Hlynsýróps- og sesamsmjörssmákökur

Innihald (þessi er ekki fyrir nammigrísi)

• 150 gr haframjöl
• 125 ml hreint hlynsíróp (enska: maple syrup)
• 125 ml ljóst eða dökkt sesamsmjör (tahini)
• 45 gr sólblómafræ
• 50 gr rúsínur

Aðferð

1. Malið helminginn af haframjölinu (75 gr) í matvinnsluvél eða blandara. Setjið í stóra skál.
2. Hrærið saman hlynsírópi og sesamsmjöri í skál og hrærið þangað til það er orðið vel blandað saman.Gott er að nota hrærivél, matvinnsluvél eða blandara til að hræra en þarf ekki.
3. Hellið sesamsmjörsblöndunni út í stóru skálina ásamt afganginum af haframjölinu. Hrærið vel.
4. Bætið sólblómafræjum og rúsínum út í skálina og hrærið vel.
5. Setjið bökunarpappír á bökunarplötu og setjið 1 kúfaða teskeið af deigi fyrir hverja smáköku, á bökunarplötuna. Hafið svolítið bil á milli smákakanna.
6. Bakið við 180°C í um 15-18 mínútur eða þangað til kökurnar eru orðnar gullnar.
7. Kælið.
8. Hægt er að nota saxaðar pecanhnetur í staðinn fyrir sólblómafræin.

Gott að hafa í huga

• Gott er að bæta við 1 tsk af kanil í deigið til að fá meira jólabragð.
• Ef ykkur finnst kökurnar of sætar má setja 50 gr af möluðum möndlum út í deigið.
• Nota má saxaðar döðlur í staðinn fyrir rúsínur.
• Nota má fínmaukað hnetusmjör í staðinn fyrir sesamsmjör.
• Sesamsmjör (tahini) fæst í heilsubúðum.

Uppskrift af vefnum www.cafesigrun.com